АҚШ пен Оңтүстік Корея елдері бірлесе Солтүстік Корея сынақтарына жауап ретінде 8 зымыранды сынақтан өткізді, деп хабарлайды inbusiness.kz Yonhap агенттігіне сілтеме жасап.
Оның мәліметінше, жергілікті уақыт бойынша сағат 4:45-тен 4:55-ке дейін сегіз зымыран ұшырылды.
"АҚШ пен Оңтүстік Кореяның "жер-жер" деп аталатын зымырандарды ұшыруы арандатушыларға тез арада дәл соққы беру қабілеті мен дайындығын көрсетті", – деді оңтүстіккореялық штаб өкілдері.
Оңтүстік Корея әскери күштерінің дерегі бойынша, Солтүстік Корея жақында Жапон теңізіне қарай қысқа қашықтықтағы сегіз баллистикалық зымыран ұшырды. Олар Пхеньяндағы Сунан әуежайының маңынан, Пхенан-Намдо провинциясындағы Кэчхон қаласының айналасынан, Пхенан-Пукто провинциясындағы Тончхан уезінен, Хамген-Намдо провинциясындағы Хамхиннен атылған.
Табиғат Нұрболат
