Алабама құқық қорғау органдары Алабама штатының Дейдвилл қаласында төрт адам қаза тауып, бірнеше адам жарақат алған атысты тергеуде, деп жазады inbusiness.kz "Америка дауысына" сілтеме жасап.
Атыс сенбі күні кешке туған күн кешінде болды, деді сержант Джереми Букет, Алабама штатының полиция қызметкері.
Атысқа не себеп болғаны туралы хабарланған жоқ. Күдіктінің ұсталған-ұсталмағаны белгісіз.
Дейдвилл полиция департаментінде және жергілікті орта мектептің футбол командасында Пастор қызметін атқаратын Бен Хейстің айтуынша, құрбан болғандардың көпшілігі жасөспірімдер, өйткені атыс 16 жасар баланың туған күнінде болған. Оның айтуынша, мұндай қайғылы оқиға ауыр қылмыстар сирек кездесетін шағын қаланы дүр сілкіндірді.
"Қаза тапқан жастардың бірі біздің бетке ұстар спортшыларымыздың бірі, керемет жігіт еді. Меү олардың көпшілігін білемін. Дейдвилл - шағын қала болғандықтан, қайғылы оқиға аймақтағы барлық адамдарды шошытқаны рас", – деп түсіндірді Хейс.
