Бұл туралы АҚШ Конгресінің Өкілдер палатасының Сыртқы істер комитетінде өткен тыңдауда АҚШ Мемлекеттік хатшысының Оңтүстік және Орталық Азия істері жөніндегі көмекшісі Дональд Лу мәлімдеді, деп хабарлайды inbusiness.kz сайты ТАСС-қа сілтеме жасап.
"Біз оңтүстік және Орталық Азияда маңызды күрес жүргізіп жатырмыз. Бұл ҚХР-мен бәсекелесуге, Ресей мен ҚХР тарапынан жалған ақпаратқа қарсы тұруға, террористік топтардың біздің қауіпсіздігімізге қауіп төндіруіне жол бермеуге бағытталған күрес", – деді ол.
Мемлекеттік департамент өкілінің айтуынша, Вашингтонның Орталық Азияға тигізетін қаржылық әсері "ресейлік бұқаралық ақпарат құралдарына балама" құруға бағытталған.
"Біздің [Азиядағы] бірінші кезектегі міндетіміз – Үнді және Тынық мұхиты аймақтарында серіктестік құру. < > Біздің екінші басымдылығымыз – өткен жылы Нью-Йоркте өткен саммитте [АҚШ президенті Джо Байденнің] Орталық Азия мемлекеттерінің басшыларымен өзара іс-қимылын арттыру", – деді Лу.
Оның айтуынша, "Орталық Азия елдері Ресей Федерациясының ашқан соғысынан туындаған экономикалық әсерден және "ҚХР-дың жүктеген қарыздың ауыртпалығынан" белгісіздік жағдайында қалып қойған.
Лу Орталық Азияда "АҚШ-тың ҚХР мен Ресеймен қатал бәсекелестігі" жүріп жатқанын айтты.
