АҚШ-тың Чикаго қаласында атыс болып, салдарынан 4 адам қаза тапты, деп хабарлайды 24.kz.
Мерт болғандардың ішінде атыс ашқан қаскөй, 1 тәртіп сақшысы мен медицина орталығының екі қызметкері бар. Белгілі болғандай, қаруланған адам медициналық орталыққа баса-көктеп кіріп, ішіндегілерге бей-берекет оқ ата бастаған.
Жергілікті телеарналардың хабарлауынша, күдіктінің бұл қадамға баруына осы ауруханада жұмыс істейтін қалыңдығымен сөзге келгендігі себеп болыпты.
Атыс оқиғасы Колорадо штатының Денвер қаласында да тіркелді. Салдарынан бір адам қаза тапты. Тағы үшеуі ауыр жарақат алып ауруханаға жеткізілді. Дәрігерлердің айтуынша, олардың жағдайы мүшкіл.
Күдікті ізін суытып үлгерген. Қазір ол іздестіріліп жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
