АҚШ-тың медициналық реттеушісінің сараптамалық комиссиясы 5-11 жас аралығындағы балаларға коронавирусқа қарсы вакцина егуді ұсынды, деп хабарлайды Inbusiness.kz The New York Times басылымына сілтеме жасап.
АҚШ-тың азық-түлік және дәрі-дәрмек басқармасының мамандары бұл ұсынысты қабылдады. Олардың пікірі бойынша, препараттың зиянынан гөрі пайдасы көбірек. Осы жас аралығындағы екі миллионға бала коронавирус дертіне шалдыққан, олардың 8 300-і ауруханада ем қабылдап жатыр. Ауруханаға жатқызылғандардың үштен бірі қарқынды терапияға мұқтаж.
Ескере кететін жайт, Құрама штаттарда 5-11 жас аралығында 28 миллион бала бар. Оларға екпе салдыру процесі қараша айында басталады.
Қыркүйек айында Ұлыбританияда жасөспірімдерді вакциналау басталды. Бұл елде оқушыларға инъекция жасау үшін ата-аналардың рұқсаты қажет емес.
Табиғат Нұрболат
Фото: gettyimages.com
