АҚШ-тың Техас штатында винтовкамен қаруланған ер адам шіркеу ішінде жиналғандарға оқ жаудырған, деп хабарлайды sputniknews.kz.
Оқиға жексенбі күні жергілікті уақыт бойынша сағат 11:30-да (Астана уақытымен 23:30) Сазерленд Спрингсте орналасқан "Бірінші Баптистер шіркеуінде" болған.
"Атыс салдарынан 26 адам қаза тапты, олардың арасында 5 жасар бала да бар. 20 шақты адам ауруханаға жатқызылды", - деп мәлімет берді штаттың қоғамдық қауіпсіздік жөніндегі басқарма басшысы Фриман Мартин.
Оқ жаудырған адам өз көлігінде өлі күйінде табылған. Алайда оны кім атып өлтіргені әлі белгісіз.
"Ер адам өзін-өзі атып өлтірді ме, әлде атысқа қатысқан жергілікті тұрғындар атты ма, әзірше білмейміз", — дейді Мартин баспасөз мәслихаты барысында.
Губернатордың айтуынша, шабуыл жасаған ер адамның кім екені, сонымен бірге қылмыс себептері әлі анықталған жоқ.
