АҚШ-та коронавирус дертіне шалдыққандардың саны 30 миллионнан асты, деп хабарлайды Inbusiness.kz порталы Джонс Хопкинс университетінің мәліметіне сілтеме жасап.
Ресми дерек бойынша, пандемия басталғалы Құрама Штаттарда вирус жұқтырудың 30 009 771 фактісі тіркелген. Осы күнге дейін 545 237 жергілікті тұрғын қауіпті аурудан қайтыс болды. Науқастар саны бойынша бұл ел қазір көш бастап тұр.
Жалпы, барлық елдердегі науқастар саны 124,7 миллионнан асқан. Оның 70,7 миллионнан астамы емделсе, 2,7 миллионы қаза тапқан.
Бұған дейін BioNTech компаниясының бас директоры Угур Шахин Еуропа мен АҚШ-та енгізілген шектеу шараларын жаздың соңында алып тастауға болады деп болжаған еді.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
