/img/tv1.svg
RU KZ
АҚШ-та өтетін Top Seed Open бәсекесіне елімізден кім қатысатыны анықталды

АҚШ-та өтетін Top Seed Open бәсекесіне елімізден кім қатысатыны анықталды

Аталған турнир 10-16 тамыз аралығында Американың Лексингтон қаласында өтеді. 

09 Тамыз 2020 18:46 145

АҚШ-та өтетін Top Seed Open бәсекесіне елімізден кім қатысатыны анықталды

Теннистен АҚШ-та өтетін Top Seed Open халықаралық әйелдер бәсекесіне қатысатын спортшылар белгілі болды, деп хабарлайды olympic.kz.

Қазақстан атынан Юлия Путинцева сынға түседі, оның алғашқы қарсыласы анықталды. Бірінші кезеңде ол Австралия өкілі Айла Томляновичке қарсы ойнайды. 

Айта кетелік, жарысқа қатысатын спортшылар қатарында әйгілі Серене Уильямс та бар. 

Данияр Елеусінов 2019 жылғы алғашқы жекпе-жегін АҚШ-та өткізеді

Боксшы кәсіпқой рингте 5 рет жеңіске жетті.

22 Қаңтар 2019 12:56 331

Қазақстандық Олимпиада чемпионы Данияр Елеусінов (5-0, 3 КО) кәсіпқой рингтегі 2019 жылғы алғашқы жекпе-жегін АҚШ-та өткізеді, деп хабарлайды Vesti.kz.

Боксшының дайындығы туралы толығырақ оның менеджері Зия Алиев баяндап берді. 

«Жекпе-жек 15 наурызға белгіленген. Қарсылас әзірге белгісіз. Данияр жаттығуға кірісу үшін АҚШ-қа келесі аптада аттанады», – дейді менеджер. .

Оның сөзінше, алдағы уақытта жекпе-жек форматы анықталады. Елеусінов қатысатын Филадельфиядағы бокс кешінің басты жекпе-жегінде ирландиялық Кэти Тэйлордың жекпе-жегі болады. 32 жастағы боксшы қыз кәсіпқой рингте 12 жеңіске жеткен, ал титулды жекпе-жекте бразилиялық Роус Волантемен (14-0, 8 КО) жұдырықтасады.

Елеусінов соңғы рет былтыр қарашада Монакода никарагуалық Маркос Мохикамен жұдырықтасып, үшінші раундта техникалық нокаутпен жеңген болатын. 

Даниал Ахметов АҚШ-тың еліміздегі уақытша өкілімен кездесті

28 Қараша 2018 11:10 832

АҚШ ШҚО-мен сауда-экономикалық байланысты нығайтуға мүдделі. Бұл жөнінде АҚШ-тың Қазақстандағы елшілігінің уақытша сенімді өкілі Линг Теодор облыс әкімі Даниал Ахметовпен кездесу барысында мәлім етті, деп хабарлайды kaz.altaynews.kz.

Кездесу барысында облыс басшысы ШҚО-ға алғаш қадам басып тұрған Линг Теодор мен елшіліктің кеңесшісі Бартер Закариге аймақтың экономикалық әлеуеті, табиғат байлықтары туралы айтып берді.

«Қазақстанға сапарымды алғаш Өскемен қаласынан бастауды құп көрдім. Өйткені екі ел арасындағы сауда-экономикалық және білім беру, денсаулық сақтау салаларындағы ынтымақтастықта осы өңірдің атқаратын маңызы зор. Кеше СПИД орталығында болып, оның жұмысымен таныстық. Алдағы уақытта осы бағыттағы күресті бірге жалғастыруға ниеттіміз. Сондай-ақ, Қазақстандағы үштілділікті дамыту бағдарламасына үлес қосып жатқандығымыз бізді қуантады»,-дейді Линг Теодор.

Линг Теодор осы екі күннің ішінде  Өскемен қаласына бауыр басып қалғанын айтты.

«Қай жерге барсам да, адамдар бізді жақсы қарсы алды. Өскемен қаласынан естелік ретінде, оның бренді Торпедо командасының формасын да сатып алдым», - дейді елшілік өкілі.