Вашингтон қаласында полицейлер афроамерикалықты атып өлтірді. Бұл туралы жергілікті басылымдар хабарлады.
"Оқиға орнынан қару табылды", – деп жазылған ресми мәлімдемеде.
Қалалық полицияның басшысы Питер Ньюсэмның айтуынша, атыс Анакостия базасының маңында болған. Тәртіп сақшылары қаруы бар адамдар отырған көлікке жақындаған сәтте ішіндегілері қаша жөнелген. Сол бойда полицейлердің бірі оқ жаудырып, қашып бара жатқан бір ер адам жерге құлаған. Жарақат алған ол ауруханаға жеткізілді, бірақ көп ұзамай оның ажал құшқаны жарияланды.
Құрама Штаттарда мамыр айының соңынан бері ереуілдер басылмай тұр. Бас көтергендер полицейлердің қолынан қаза тапқан афроамерикалықтарға қатысты істердің әділ жүргізілуін талап етіп отыр. Осы күнге дейін бірнеше қалада наразалық акциялары өтіп, елді тәртіпсіздіктер шарпыды.
Табиғат Нұрболат
Фото: ap.com
