Құрама Штаттардың азық-түлік пен дәрі-дәрмектердің сапасын бақылау басқармасы коронавирус инфекциясына қарсы төрт вакцинаны мақұлдады. Енді олар клиникалық сынақтан өткізіледі. Бұл туралы осы басқарманың басшысы Стивен Хан мәлім етті. Оның айтуынша, қазір тағы алты препарат қарастырылып жатыр.
Еске сала кетсек, мамырда АҚШ-тың денсаулық сақтау министрлігі мен Пентагон бірлесе Warp Speed операциясын іске қосқан болатын. Бұл бағдарламаның мақсаты – 2021 жылдың қаңтар айына дейін Covid-19 вирусына қарсы вакцинаның 300 миллион данасын шығару.
Маусым айында АҚШ-та ереуілдер мен шектеулердің қысқаруына байланысты науқастардың саны күрт көбейіп кетті. Осы орайда бірқатар штат карантиндік шараларды қайтадан енгізіп жатыр.
Джонс Хопкинс Университетінің соңғы мәліметіне сүйенсек, елдегі вирус жұқтырғандардың саны 2,6 миллионнан асып, оның 126 мыңы қаза тапқан.
Табиғат Нұрболат
