RU KZ
АҚШ-тағы мұнай қоры азайғаннан кейін, шикізат қымбаттады

АҚШ-тағы мұнай қоры азайғаннан кейін, шикізат қымбаттады

27 Қаңтар 2021 18:15 485

АҚШ-тағы мұнай қоры азайғаннан кейін, шикізат қымбаттады
Қазір Brent сұрыпты мұнай баррелі 56,3 долларға саудаланып жатыр.  

Құрама Штаттардағы мұнай қоры азайғаннан кейін, «қара алтын» бағасы көтеріле бастады. Сонымен қатар Қытайда коронавирус инфекциясын жұқтырғандар санының азаюы да нарыққа оң әсерін тигізді.

Ресми дерек бойынша, Brent сұрыпты мұнай баррелі 0,7%-ға қымбаттап, 56,3 доллар болды. WTI фьючерстерінің бағасы 0,7%-ға өсіп, бір баррелі қазір 52,98 долларға саудаланып жатыр.

Мұнай бағасы жыл басында соңғы айлардағы ең жоғары деңгейге жеткен еді. Бірақ өткен аптадан бастап теріс динамика орнады. Сарапшылардың айтуынша, нарықтағылар енгізіліп жатқан шектеу шараларының қалай жүзеге асатынын және вакцина егу процесінің қаншалықты сәтті болатынын бақылайды.

Табиғат Нұрболат