/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 384,89 Brent 36,55
АҚШ-тан жеткізілген үйрек етінен құс ауруы анықталды

АҚШ-тан жеткізілген үйрек етінен құс ауруы анықталды

12 Қараша 2018 15:59 679

 АҚШ-тан жеткізілген үйрек етінен құс ауруы анықталды

Тараздағы дүкендердің бірінен АҚШ-тан жеткізілген үйрек етінен құс ауруы анықталды, деп хабарлайды ДСМ баспасөз қызметі.

«ҚР денсаулық сақтау министрлігінің қоғамдық денсаулық сақтау комитеті өнім қауіпсіздігіне мониторинг жүргізу шеңберінде Тараз қаласындағы «Береке» дүкенінде Қазақстанға жеткізілетін АҚШ-тың үйрек еті сынамасында сальмонелланың анықталуына байланысты гигиеналық нормативтер мен техникалық регламенттердің талаптарының бұзылғаны анықталғанын хабарлайды», - делінген хабарламада.

Salmonella тектес бактериялар негізінен жүректің айнуын, құсу, әлсіздік, диарея, іштің ауыруын тудырып, асқорыту жолдарын зақымданумен сипатталады, уақыт өте келе адамның жағдайы нашарлауы мүмкін, мұндай жағдайда міндетті түрде дәрігерге қаралу ұсынылады.

Қазіргі уақытта сауда объектісінен қауіпті өнімді алып қою бойынша шаралар қабылдануда, сондай-ақ өткізушілерге қатысты әкімшілік сипаттағы шаралар қабылдануда.

Дүкен сөрелерінде сәйкес келмейтін өнімдер анықталған жағдайда жазбаша немесе 8 /7172/ 74-27-04 нөмірі бойынша, сонымен қатар комитетке  және оның аумақтық департаменттеріне жүгінуге болады.

Нью-Йоркте ұсталған қазақстандық қыз босатылды

Адвокаттар мен консулдардың күш салуымен барлық тергеу жұмыстары аяқталғанша бостандықта болады. Негізгі сот тыңдалымы наурыз айына жоспарланған.

26 Қаңтар 2019 18:22 524

Нью-Йоркте ұсталған қазақстандық қыз босатылды

Алаяқтық күдігімен Нью-Йоркте тұтқындалған қазақ қызы тергеу жұмыстары аяқталғанша бостандықта болады, деп хабарлайды ҚазАқпарат.

Бұған дейін CBS телеарнасы хабарлағандай, Нью-Йорктің полиция басқармасы Бруклинде тұратын 24 жастағы Махаббат Әбдуалиеваны тұтқынға алған. БАҚ-тың хабарлауынша, қазақстандық қызға ұсақ ұрлық, алаяқтық мақсатта өзін басқа адам деп таныстыру айыптары тағылып отыр.

«Күдікті өзін риэлтор деп таныстырған және Ocean Parkway және тағы екі үйдің пәтерлерін жалға беретінін хабарлаған. Бірақ, клиенттерден алдын ала төлемді алған соң, кері байланысқа шықпаған»,  делінген жаңалықта. 

Бұл ақпаратты ҚР сыртқы істер министрлігінің ресми өкілі Айбек Смадияров растады.

«Иә, Махаббат Әбдуалиева – шынымен де Қазақстан азаматы. Оған алаяқтық бойынша айып тағылып отыр. Адвокаттар мен консулдардың күш салуымен қазақстандық қыз босатылды. Барлық тергеу жұмыстары аяқталғанша бостандықта болады. Негізгі сот тыңдалымы наурыз айына жоспарланған»,  деп жауап берді Айбек Смадияров.

Данияр Елеусінов 2019 жылғы алғашқы жекпе-жегін АҚШ-та өткізеді

Боксшы кәсіпқой рингте 5 рет жеңіске жетті.

22 Қаңтар 2019 12:56 308

Данияр Елеусінов 2019 жылғы алғашқы жекпе-жегін АҚШ-та өткізеді

Қазақстандық Олимпиада чемпионы Данияр Елеусінов (5-0, 3 КО) кәсіпқой рингтегі 2019 жылғы алғашқы жекпе-жегін АҚШ-та өткізеді, деп хабарлайды Vesti.kz.

Боксшының дайындығы туралы толығырақ оның менеджері Зия Алиев баяндап берді. 

«Жекпе-жек 15 наурызға белгіленген. Қарсылас әзірге белгісіз. Данияр жаттығуға кірісу үшін АҚШ-қа келесі аптада аттанады», – дейді менеджер. .

Оның сөзінше, алдағы уақытта жекпе-жек форматы анықталады. Елеусінов қатысатын Филадельфиядағы бокс кешінің басты жекпе-жегінде ирландиялық Кэти Тэйлордың жекпе-жегі болады. 32 жастағы боксшы қыз кәсіпқой рингте 12 жеңіске жеткен, ал титулды жекпе-жекте бразилиялық Роус Волантемен (14-0, 8 КО) жұдырықтасады.

Елеусінов соңғы рет былтыр қарашада Монакода никарагуалық Маркос Мохикамен жұдырықтасып, үшінші раундта техникалық нокаутпен жеңген болатын.