Бас Ассамблея төрағасы Анналена Бербоктың сөзінше, егер ұйымға мүше барлық ел биыл жарналарын төлемесе, БҰҰ шілде айына қарай қаржылық қиындықтармен бетпе-бет келейін деп тұр, деп хабарлайды inbusiness.kz сайты.
"Кейбір елдердің жарнаны жылдар бойы кешіктіріп төлеуі немесе мүлде төлемеуі салдарынан БҰҰ қаржылысқа дағдарысқа тап болды", – деді Анналена Бербок.
Мәселенің ушығуына АҚШ тарапынан берілетін қаржыландырудың күрт қысқаруы себеп болып отыр. Вашингтон қаржыландыру көлемін 17 миллиард доллардан шамамен 2 миллиард долларға дейін азайтқан. БҰҰ бюджетінің тапшылығын жабу үшін кемінде 23 миллиард доллар қажет екені белгілі болды.
Politico басылымының мәліметінше, БҰҰ өкілдері Вашингтонның ұйым алдындағы қарызы шамамен 4 миллиард доллар екенін айтқан. Оның ішінде 2,19 миллиард БҰҰ-ның тұрақты операциялық бюджеті бойынша берешек болса, тағы 1,8 миллиард АҚШ-тың бітімгерлік операцияларға арналған жеке бюджет бойынша қарызы болып саналады. АҚШ-тың БҰҰ-дағы тұрақты өкілі Майкл Уолц Трамп әкімшілігі бұл мәселе бойынша шешім бірнеше апта ішінде қабылданатынын жеткізді.
2026 жылға арналған жарнаны 61 ел толық төлеген.
