Мұны Ақ үйдің баспасөз хатшысы Каролин Левитт ашық айтқан, деп хабарлайды inbusiness.kz сайты.
Брифингте ол Байден әкімшілігінің "ақымақтығын" еске салып, бірнеше әрекеті үшін айыптаған. Трамптың баспасөз хатшысы АҚШ-тың Гватемалада жыныс ауыстыру отасына 2 миллион доллар жұмсағанын мәлімдеген. Әрине, бұл Байденнің президент уақытында болған.
Джо Байден әкімшілігі тұсында АҚШ Ирактағы "Сезам көшесі" жаңа шоуына және "Қазақстандағы жалған ақпаратпен күресуге" миллиондаған доллар бөлген көрінеді.
– Ирактағы жаңа шоу құруға – 20 миллион доллар, ал Қазақстандағы "жалған ақпаратпен күресуге" 4,5 миллион доллар бөлінді. Байден тағы 6 миллион долларды Мысырдағы "туризмді қаржыландыруға" бөлген, – деді ол.
Каролин Левитт өз сөзінде Қазақстандағы қандай жалған ақпаратпен күрес үшін қаржы бөлінгеніне тоқталмаған.
