Мұндай шешімге Президент Дональд Трамптың федералдық қаржыландыруды доғару және жоғары оқу орнының салық төлемейтін мәртебесін қайта қарау туралы тапсырмасы себеп, деп жазады inbusiness.kz сайты The Guardian-ге сілтеме жасап.
Алайда университет бұл талаптарды орындаудан бас тартып, іс ушықты. Енді Ақ үй шетелдік студенттерді қабылдауға қатысты аудит жүргізбекші.
Бұдан бөлек, Гарвардтан әралуандық, теңдік және инклюзия бағдарламасынан бас тартуды талап етті.
Университет басшылығы мұндай іс-әрекеттер академиялық еркіндік құқығына қайшы келеді деп Дональд Трамптың талаптарына көнбейтінін мәлімдеді.
Гарвард президенті Алан Гарбер университеттің веб-сайтында жарияланған хатында: "Ешбір үкімет – қай партия билікте болса да, жеке университеттер нені оқыта алатынына нұсқау бере алмайды", – деді.
Гарвард Ақ үйдің басқару, жалдау және оқыту туралы нұсқауларды қамтитын талаптардың кең тізімімен келісуден бас тартқаннан кейін көп ұзамай Трамп әкімшілігі мекемеге 2,2 миллиард доллар (1,7 миллиард фунт стерлинг) федералды қаражатты тоқтатты.
