АҚШ НАТО-ның Украинаны өз құрамына алу туралы шешіміне әсер ете алмайды. Ақ үйдің ресми өкілі Джен Псаки кезекті брифинг барысында осындай мәлімдеме жасады, деп хабарлайды Inbusiness.kz жергілікті БАҚ-қа сілтеме жасап.
"НАТО-ның есіктері ұйымға кіргісі келетіндер үшін ашық болуы керек. Яғни өз міндеттемелерін орындайтындар және еуроатлантикалық аймақтағы қауіпсіздікті қамтамасыз етуге атсалысатындар үшін ашық", – деді Псаки. Владимир Зеленский Украинаның еуропалық интеграциясы және оның мерзімі туралы АҚШ-тың позициясын ұсынуды сұраған еді. Ақ үй өкілі ресми Киевке осылай деп жауап берді.
Баспасөз хатшысы бұл жағдайда одаққа мүше болу жағын Вашингтон емес,ұйым қабылдайтынын жеткізді.
Бұған дейін Зеленский НАТО-ға Киевті қолдағаны үшін және Қара теңіз аймағында болғаны үшін алғыс айтқан еді. Бірақ ол мұндай қадамдардың жеткіліксіз екенін мәлім етті.
Украина басшысы АҚШ-қа 31 тамызда барды. 1 қыркүйекте ол президент Джо Байденмен кездескен болатын.
Табиғат Нұрболат
