Жексенбі күні түнде Алабама штатындағы Таскиги университетінде атыс болып, бір адам қаза тапты, деп жазады inbusiness.kz сайты "Америка дауысы" сайтына сілтеме жасап.
Тағы 12 адам жараланды. Оқиға дәстүр бойынша университетке түлектер келетін демалыс күндері болды.
Бірнеше сағаттан кейін бір адамның ұсталғаны хабарланды.
Алабама құқық қорғау агенттігінің хабарлауынша, 25 жастағы Монтгомерилік Хакис Майрик кампустағы атыс болған жерден кетіп қалмақ болған кезде қамауға алынған. Одан автоматты атуға мүмкіндік беретін құрылғысы бар тапанша табылды.
Агенттіктің хабарлауынша, Майрикке қаруды сақтау бойынша федералды айып тағылды. Хабарламада бұрыннан көбіне қара нәсілділер ғана білім алатын жоғары оқу орнында күдіктінің оқитыны не оқымайтыны әлі анықталмаған. Билік қаза тапқан 18 жастағы жасөспірімнің студент емес екенін, бірақ зардап шеккендердің арасында студенттер бар екенін айтты.
Майриктің атынан сөйлей алатын адвокаты бар-жоғы белгісіз.
ФБР тергеуге қосылып, куәгерлерден қолдарында бар кез келген бейнежазбаны бөлісуді сұрады.
Университет дүйсенбіде сабақты тоқтату туралы хабарлады.
