АҚШ конгрессінің өкілдер палатасы заңсыз иммиграциямен күреске бағытталған екі заң жобасын мақұлдады, деп хабарлайды 24.kz.
Енді осы құжаттар сенаттың қарауына түсуі тиіс. Біреуі миграция ережелерін бұзған босқындарды жазалаудан бас тартқан "баспана-қалаларға" қатысты болып отыр. Ал екіншісі АҚШ аумағына заңсыз қайта келген мигранттарға қарсы жазаны күшейтпек. Осы шараны қолдағандардың көбісі республикалық партияға мүше. Олардың мәлімдеуінше, заңсыз миграция қоғамдық пен ұлттық қауіпсіздікке қауіп төндіріп тұр.
Еске сала кетсек, осыған дейін АҚШ Жоғарғы соты Дональд Трамптың миграциялық жарлығына тыйым салған төменгі сатыдағы сот үкімдерінің күшін жойған болатын.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
