Бұл туралы сейсенбіде Politico газеті өзінің дереккөздеріне сілтеме жасап жазды, деп хабарлайды Inbusiness.kz.
Басылым Зеленский 7 қарашада Мәскеумен келіссөздерді бастау үшін бес шартты жариялағанын, олардың арасында Путинмен келіссөз жүргізбеу туралы айтылмағанын атап өтті. Politico жазғандай, Зеленскийдің ұстанымын өзгертуі "АҚШ президенті Джо Байден әкімшілігінің жылы сөйлеп, көндіруімен байланысты".
Зеленский Киев пен Вашингтон арасындағы ұзақ келіссөздерден кейін, соның ішінде АҚШ президентінің Ұлттық қауіпсіздік жөніндегі көмекшісі Джейк Салливанның Украинаға сапарынан кейін өзінің қойған шарттарын жұмсартты. Америкалық шенеуніктер Зеленскийден келіссөздердегі позицияны өзгертуді тікелей сұрамады, бірақ Киев әлемге қақтығысты бейбіт жолмен аяқтауға дайын екенін көрсетуі керек деп тапсырды. Дегенмен Вашингтон келіссөздер дереу басталуы керек деп ойламайды.
