Құрама Штаттардың президенті Дональд Трамп америкалық ғалымдар жыл соңына дейін коронавирусқа қарсы вакцина шығарады деген пікірде. Бұл туралы Ақ үй басшысы сайлаушылармен кездесу кезінде мәлім етті.
"Менің ойымша, препаратқа қатысты нақты ақпарат жуырда жарияланады. Тіпті жылдың соңына дейін де вакцина шығып қалуы мүмкін", – деді Трамп.
Джонс Хопкинс Университетінің соңғы мәліметіне сүйенсек, АҚШ-та осы күнге дейін 2,4 миллион тұрғынның вирус жұқтырғаны анықталды. 122,1 мыңнан астам адам қаза тапқан. Пандемия басталғалы әлемде бұл дертті 9,4 миллион адам жұқтырып, оның 480 мыңы қайтыс болды.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
