Биыл Қазақстан аумағында ақша аударымдары жүйелері арқылы жасалған транзакциялар көлемі айтарлықтай өскен, деп хабарлайды inbusiness.kz тілшісі ranking.kz-ке сілтеме жасап.
2021 жылдың сәуірінде аударымдар көлемі 6,2 млрд теңгені құрады. Бұл 2020 жылғы сәуірден 76,6% артық. Айта кететіні, аталған көрсеткіш ең жоғары айлық тарифтердің бірі.
Биылғы жылдың қаңтарынан сәуір айына дейін орташа есеппен трансферттер көлемі 5,2 млрд теңгені құрады. Салыстыру үшін: 2020 жылы көрсеткіш небары 3,5 млрд теңгеге, 2019 жылы 2,8 млрд теңге болатын. Бұған дейінгі ең жоғары көрсеткіш 2018 жылы байқалған - 6,4 млрд теңге.
Жалпы, биылғы қаңтар-сәуір айларында Қазақстан аумағында жеке тұлғаларға ақша аудару жүйелері арқылы 20,9 млрд теңгеге трансферттер жүзеге асырған. Бұл өткен жылдың сәйкес кезеңімен салыстырғанда 1,5 есе көп.
Транзакциялар саны 29,9%-ға, 4 айда 223,3 мыңға дейін өсті, нәтижесінде биыл бір аударымға орташа чек 82,3 мыңнан 93,8 мың теңгеге дейін өсті.
Құралай Құдайберген
