Тақырыпты талқылауға түрткі болған жерлесіміз Иманбек Зейкеновтың жетістігі. Павлодар облысы Ақсу қаласында елеусіз жүрген жігіт бір-ақ күнде танымал болды. Оның "Роузес" әніне жазылған ремиксі әлемдегі даңқты "Грэмми" марапатына ұсынылды.
Айта кету керек, мұндай жағдай Қазақстан тарихында, тіпті ТМД елдерінде болмаған. Сондықтан оған тек қазақстандықтар емес, көршілес елдер де қуанып, таңданыстарын жасырмады.
Қазақстанда жастарды қолдауға қанша қаржы бөлінеді?
Елімізде жастар саясатын жүргізуге, қолдауға жыл сайын республикалық бюджеттен қыруар қаржы бөлінеді. Мысалы, былтыр "Жастар жылында" 24,6 млрд теңге қарастырылды. 2018 жылы 7 млрд теңге, 2017 жылы 6,1 млрд теңге. Соңғы үш жылда қаржыландыру 27%-ға артқан. Қаражат "Жас маман", "Еңбек", "Жас кәсіпкер" сияқты әр саланы қолдауға берілген.
Жастардың өзі оның игілігін көріп жатыр ма? Қазынадан қарастырылған қаржының қайтарымы бар ма? Бұл туралы мамандар не дейді. Толығырақ Atameken Business-те:
