Ақтау әкімдігі 15 миллион теңгеге жасанды гүлзар "екті"

Ақтау әкімдігі 15 миллион теңгеге жасанды гүлзар "екті"

14 Қазан 2021 20:56 546

Ақтау әкімдігі 15 миллион теңгеге жасанды гүлзар «екті»
Пластик қызғалдақтар 200 шаршы метр жерге отырғызылды. Ал халық бұл қаражатты желге ұшырғанмен бірдей дейді.    

"Ақшаны босқа шашу деп ойлаймын. Пластик гүл әдемі көрінбейді. Тірі гүлді егу керек еді, әдемірек болар еді", "Қыста пластик гүлдер жаман болмайтын шығар. Егер уақытында тірі гүлді ексе одан да әсем болушы еді" деп пікір білдірді бір топ ақтаулықтар.

Шенеуніктер "Ынтымақ" алаңының алдындағы жасанды көгалды "Гүл алаңы" деп атады.

Ақтау қалалық ТҮКШ бөлімінің басшысы Алпысбай Таубаев: "Гүл алаңы" салынып жатыр. Бұл түнде әсемдік жарық болады, күндіз қызғалдақ гүлдері ретінде тұрады. Оның алдында көгалдар бар. Биыл пайдаға жарамсыз болған тірі гүлдердің орнына келесі жылы көктемде жаңа гүлдер отырғызылатын болады. Алдағы уақытта қаламыздың негізгі жасыл-желектерін күтіп ұстау, әрі қарай өсіру бағытында 5 жылдық жоспар жасап жатырмыз", – деп ой қорытты.

Декоративтік жарықтандыру жұмыстарын "Clover media group" ЖШС-і жүргізеді, Олармен Ақтау қалалық тұрғын үй-коммуналдық шаруашылығы бөлімі осы жылдың 16 қыркүйегінде келісім шарт жасасты. Жобаның құны – 15 404 000 теңгеге бағаланды. Бұл жұмыстарды 20 қазанға дейін аяқтау жоспарланған.

Бұған дейін бюджет қаражатынан 43 млн тг жұмсалып,  Ақтауда "Жұлдызды аспан" инсталляциясы да орнатылған болатын.

Алмас Қылыш

Ұқсас материалдар:

alemdegi-barlyk-hakerdin-tabysy-400-million-dollarga-zhetti

sporttyk-gimnastikadan-kazakstan-kuramasy-alem-chempionatyna-katysady

pater-zhaldau-bagasy-sharyktap-ketti

otandyk-turoperator-kyzmet-turine-karaj-licenziyalardy-kajta-rasimdeui-kerek

livanga-kazakstan-bitimgerlerinin-altynshy-kuramy-attandy

загрузка

×