Ауа-райының бұзылуына байланысты Ақтау әуежайында ұшу – қону жолағы бірнеше сағатқа жабылды, деп хабарлайды inbusiness.kz сайты.
"Ауа-райының қолайсыздығына байланысты Ақтау әуежайының ұшу – қону жолағы 2025 жылғы 27 ақпанда сағат 12:00-ден 17:00-ге дейін уақытша жабылды", – деді әуежай әкімшілігі.
Маңғыстау облыстық жолаушылар көлігі және автомобиль жолдары басқармасы қолайсыз ауа райы мен ұшу-қону жолағын техникалық күтімнен өткізуге байланысты, Ақтау халықаралық әуежайы 27 ақпан 2025 жылы сағат 12:00-ден 17:00-ге дейін уақытша жабылғандығын хабарлайды.
Сондай-ақ, жүргізушілер мен жолаушылардың қауіпсіздігін қамтамасыз ету мақсатында әуежайға баратын жол да жабық.
Әуежайдың жұмысы мен жолдың ашылуы туралы қосымша хабарланатын болады.
Жолаушылар әуежайдың ресми сайтында рейстердің жай-күйі және кестедегі өзгерістер туралы өзекті ақпаратты ала алады www.aktau-airport.kz немесе тәулік бойғы анықтама бюросының телефоны арқылы: 8 (7292) 60 97 55.
Алдын ала мәліметтер бойынша, 27 ақпанда жоспарланған 11 рейстің 4-і кешігіп жатыр.
