Маңғыстау облысы Полиция департаментінің мәліметіне сүйенсек, “Lada Priora” маркалы автокөліктің жүргізушісі рульді басқара алмай, қарсы жолаққа шығып, Mercedes Benz S-320 автокөлігімен соқтығысты.
Жол көлік оқиғасы салдарынан апат орнында екі жүргізуші, Lada Priora автокөлігінен екі жолаушы қаза тапты. Сонымен қатар, екі жолаушы зардап шекті. Олар жақын маңдағы аудандық ауруханаға жатқызылды.
Аталған факті ҚР ҚК 345-бабы, 4-бөлігі бойынша Маңғыстау ауданының полиция бөлімшесінде сотқа дейінгі тергеп-тексерудің бірыңғай тізілімінде тіркелді. Тергеу амалдары жүргізілуде.
Жол көлік оқиғасы кеше күндізгі уақытта болған.
Тасым Жаңай
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
