"CASPI BITUM" БК" ЖШС жоспарлы-мәжбүрлі жөндеуге жабылды. Биыл бұл жұмыс 30 күнге – 1 қаңтардан жоспарланған. Жөндеу ЭЛОУ-АВТ кешенінде және тотығу блогында, модификацияланған битум қондырғысында, битумды салқындату және қаттау қондырғысында, жалпы зауытқа тиесілі нысандарда жүргізіледі.
"1 ақпаннан бастап біз кезең-кезеңмен мұнай қабылдауды бастаймыз, наурызға қарай өнімнің жоспарланған көлемін өндіретін боламыз", – деді "CASPI BITUM" БК" ЖШС өндіріс жөніндегі бас директоры Рүстем Бисалиев.
Зауыт 2016 жылы 620 мың тоннадан астам шикі мұнайды өңдеп, 110955 тонна жолға арналған битум өндіріп, оның 109419 тоннасын жөнелтті. Мұнай жеткізуші – "ҚаражамбасМұнай" АҚ.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
