/img/tv1.svg
RU KZ
Ақтау халықаралық теңіз сауда портында қауіпсіздік шаралары сақталған ба?

Ақтау халықаралық теңіз сауда портында қауіпсіздік шаралары сақталған ба?

Ливандағы қайғылы  жағдай теңіз порты бар көптеген елге қауіпсіздігін тағы бір рет пысықтауға сабақ болды.  

06 Тамыз 2020 22:59 403

Ақтау халықаралық теңіз сауда портында қауіпсіздік шаралары сақталған ба?

Осы тұста еліміздегі ең ірі Ақтау халықаралық теңіз сауда портында жүктерді сақтау тәртібі қандай, қауіпсіздік шаралары сақталған ба деген заңды сұрақ туындайды, деп хабарлайды Atameken Business.

Қазақстандық әскери дәрігерлер Бейрутқа ұшып кетті

Әскери медицина қызметкерлерінің мақсаты – зардап шеккендерге білікті медицина көмек көрсету. 

08 Тамыз 2020 15:12 218

8 тамыз күні таңертең Бейрут портында жарылыс нәтижесінде зардап шеккендерге медициналық көмек көрсету үшін ҚР ҚК Әуе қорғаныс күштері әскери-транспорттық авиация ұшағы Ақтау - Бейрут бағыты бойынша ұшты, деп хабарлайды Қорғаныс министрлігінің баспасөз қызметі.

«7 тамызда ҚР Президенті – ҚР ҚК Бас қолбасышысының тапсырмасын орындау мақсатында ҚР Қарулы Күштерінің жеке құрамының арасынан құралған 29 медицина маманы мен 4 аудармашы бар топ Нұр-Сұлтан-Ақтау бағыты бойынша ұшты. 8 тамыз күні таңертең Бейрут портында жарылыс нәтижесінде зардап шеккендерге медициналық көмек көрсету үшін ҚР ҚК Әуе қорғаныс күштері әскери-транспорттық авиация ұшағы Ақтау - Бейрут бағыты бойынша ұшты», – деп жазылған хабарламада.

Сондай-ақ хабарламада елдегі Covid-19-бен байланысты жағдайды ескере отырып, топ құрамына инфекционист және терапевт дәрігерлер қосылмағаны айтылған. Топ құрамына жоғары білікті хирургтар, травматологтар, нейрохирургтер, анестезиолог-реаниматологтар, сондай-ақ хирургиялық бейіндегі орта медициналық персоналдар бар. Олардың көпшілігі ағылшын тілін жетік меңгерген.

7 тамыз күні Президент – ҚК Бас қолбасшысы Қасым-Жомарт Тоқаев қорғаныс министріне Ливанға әскери медицина мамандарын жіберу туралы мәселені шешуді тапсырған болатын.

Еске салар болсақ, 4 тамызда Ливан Әскери-теңіз күштерінің базасына жақын орналасқан Бейрут портының маңында қуатты жарылыс болып, 150-тан кем емес адам қаза болғаны белгілі. Бес мыңға жуық адам жарақат алды.

 

Қасым-Жомарт Тоқаев Ливан Президентімен телефон арқылы сөйлесті

Кеше Ливан астанасы Бейрут қаласында жойқын жарылыс болды.    

05 Тамыз 2020 18:29 304

ҚР Президенті Қасым-Жомарт Тоқаев Ливан Президенті Мишель Аунмен телефон арқылы сөйлесті, деп хабарлайды inbusiness.kz.

«Бүгін Ливан Президенті Мишель Аунмен телефон арқылы сөйлесіп, Бейрут портындағы жарылыс кезінде қаза болған адамдардың отбасына көңіл айтып, зардап шеккендердің сауығып кетуіне тілектестік білдірдім», деп жазды ҚР Президент Twitter-дегі парақшасында.

Жарылыс салдарынан Қазақстанның СІМ Ливандағы дипломатиялық миссиясы ғимаратына зиян келген. Жарылыс кезінде дипломатиялық миссияның қызметкерлері жұмыс күні аяқталғаннан кейін жұмыс орнынан кетіп қалған. Консул жұмыста қалған болатын және жарылыс толқыны салдарынан жеңіл жарақат алды.