Есін жиған қырғызстандықтың есімі – Ерлан Жүнушалиев. Оған компрессиялық сыну диагнозы қойылды және көптеген көгерген жерлері бар.
"Қатты соққы алдым. Мен ес-түссіз қалдым, сондықтан құтқарушылардың қашан келгенін байқамай қалдым", – дейді ол.
Оның айтуынша, ұшақ аударылғандықтан, жолаушылар төңкеріліп жатқан. Құтқарушылар зардап шеккендерді қауіпсіздік белдіктерінен босатып алып шыққан.
Ал тағы біреуі – Тілек Османов. Оң қолы сынған және денесі көгерген.
"Ұшақта ұйықтап қалдым, бір кезде у-шу басталып, бірден ояндым. Апатқа дейін саналы түрде отырдық. Нұсқауларды тыңдадық. Кейін апат болып, досым екеуміз көзімізді аштық. Арнайы форма киген адамдар маған шығуға көмектесті", – деді ол.
20 жастағы Ринат Асанов та есін жиды. Енді дәрігерлер үш жігітті еліне қайтармақ.
