2023 жылдың 7 айында Ақтау теңіз сауда порты арқылы 2,6 млн тоннадан астам құрғақ және мұнай жүктері ауыстырылып, тиелді. Бұл өткен жылдың сәйкес кезеңімен салыстырғанда 24%-ға жоғары.
Порт арқылы 142 мың тонна астық, 114 мың тонна металл тасымалданып, 13 мыңнан астам контейнерге қызмет көрсетті. Мұнайды ауыстырып тиеу 2022 жылмен салыстырғанда 58%-ға артты. Өсім 2,1 млн тоннаны құрады. Көрсеткіш қазақстандық мұнай экспортын “Баку-Тбилиси-Джейхан” бағытына қайта бағдарлау есебінен ұлғайды. Сондай-ақ “Ақтау” порты арқылы түсті металдар экспорты өсіп, соның есебінен металл тасымалдау 87%-ға артты.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
