Ақтауда үш мектептің құрылысы бойынша 9,5 млрд.теңгеге мемлекеттік сатып алу байқауы жарияланды. Тапсырыс иесі – Маңғыстау облыстық құрылыс, сәулет және қала құрылысы басқармасы.
Мемлекеттік сатып алу порталына 2 қазан күні орналастырылған Ақтау қаласы 31А ықшамауданындағы №25 учаскедегі орта мектеп 1200 оқушыға арналған. Оның жоспарлы сомасы 3 257 963 449 теңге құрайды, мұның ішінде, бірінші жылға 4 307 528,95 теңге, екінші жылға 2 638 719 078,28 теңге, үшінші жылға 614 936 841,77 теңге қарастырылған.
Тағы да осындай көлемдегі мектепті 18 ықшамауданындағы №25 учаскеге салу жоспарланған. Оның құны 3 228 065 375 теңгеге бағаланып отыр екен, мұның ішінде, бірінші жылға 4 300 582,4 теңге, екінші жылға 2 612 973 655,3 теңге, үшінші жылға 610 791 137,3 теңге жұмсалуға тиіс.
Үшінші мектеп те 1200 балаға арналған, қаладағы 19А ықшамауданында салынбақ. Оның болжамды құны 3 106 309 670 теңге, мұның ішінде, бірінші жылға есептелгені – 4 300 582,4 теңге, екінші жылға – 2 514 261 528,53 теңге және үшінші жылға – 587 747 559,07 теңге.
Аталған үш лом бойынша байқауға қатысу үшін өтініш беру уақыты 9-24 қазан аралығына белгіленген.
Құралай Қуатова
