/img/tv1.svg
RU KZ
Ақтауда базардың бір бөлігі өртеніп кетті

Ақтауда базардың бір бөлігі өртеніп кетті

Ақтаудағы 22 шағынауданда орналасқан «Масат« базарында өрт болды.  

27 Қыркүйек 2020 13:24 217

Ақтауда базардың бір бөлігі өртеніп кетті

Қызыл жалынды сөндіруге жүзден астам адам тартылды, деп хабарлайды Маңғыстау облысының Төтенше жағдайлар департаменті.

Департаментте хабарлағандай, базардағы өрт туралы сағат 6.55-те қоңырау түскен. Өрт салдарынан 17 сауда дүңгіршегі мен 14 контейнер, шатыр астындағы 60-қа жуық сөре жанып кеткен.

«Қызыл жалын 8.16-да сөндірілді. Қаза болғандар мен зардап шеккендер жоқ. Тілсіз жаумен күреске ТЖД-нің 65 қызметкері және 11 техника, мемлекеттік емес өрт сөндіру қызметтерінің 10 қызметкері және 2 техника, медицина және апаттар орталығынан 3 қызметкер және 1 техника, 54 полиция қызметкері және 25 техника жұмылдырылды. Өрттің шығу себептері анықталып жатыр», – деді облыстық ТЖД басшысының орынбасары Бекболат Әбдіқадыров.

Оралда 3 адам өрттен көз жұмды

Ер адам және әйел мен баланың денесі табылды.

27 Қыркүйек 2019 10:35 946

Оралда өткен түні «Волна» бау-бақша серіктестігі аумағында өрт болып, 3 адам қаза болды, деп хабарлайды ІІМ ТЖ комитеті.

Ведомствоның хабарлауынша, өрт туралы хабарлама өртке қарсы қызметке жұма күні түнгі 2:46-да түскен. 6:15-ке қарай жалынның бетін қайтарған өрт сөндірушілер ол жерден 3 адамның денесін тапқан.

«Оқиға орнынан өртенген 3 адамның: 1961 жылғы ер адам, әйел мен баланың денесі табылды»,– делінген хабарламада.  

Баянауыл ұлттық паркі аумағындағы өрт ауыздықталды

Бүгін таңертең апат болған үш ауылдық округте де өрт сөндірілді, тағы екі ауылдық округте өрт ауыздықталған. 

23 Қыркүйек 2019 09:42 798

Баянауыл ұлттық паркі аумағындағы ауқымды өрт ауыздықталды. Қаза болғандар мен зардап шеккендер жоқ. Қызыл жалынды сөндіруге 90-нан астам адам жұмылдырылған, деп хабарлайды ҚазАқпарат.

«Оқиға орнына қонған МИ-8 тікұшағы таңертең өрт сөндіру жұмыстарын бастады. Сонымен қатар, Баянауылға тағы бір МИ-26 тікұшағы барады», – дейді Павлодар облысы әкімдігінің баспасөз қызметі.

Сондай-ақ, дереккөз ұлттық паркте он бір арнайы техника: 6 өрт сөндіру машинасы, 3 самосвал және соқасы бар екі МТЗ тракторы жұмыс істеп жатқанын айтты. Өрт сөндіруге 90-нан астам адам жұмылдырылған.

«22 қыркүйек күні кешке Өскеменнен «Авиациямен орман қорғау және орман шаруашылығына қызмет көрсету қазақ базасы» республикалық кәсіпорнының МИ-8 тікұшағы ұшып келді. Ол таңғы сағат 7:00-де өрт сөндіру жұмыстарын бастады. Сонымен қатар, таңертең ауданға тағы бір Ми-26 ұшағы келеді», - деді Баянауыл аудандық әкімдігінен.

Павлодар облысы әкімі Болат Бақауов кеше күндіз өрт сөндіретін штаб құрып, орын алған оқиға туралы еліміздің вице-премьері Роман Склярға хабарлады.

«Аудан басшысы 23:00-де оқиға орнына жетті. Павлодардан қосымша 4 өрт сөндіру техникасы жіберілді»,– деді облыстық әкімдіктің баспасөз қызметі.

Айта кетейік, бүгін таңертең апат болған үш ауылдық округте де өрт сөндірілді, тағы екі ауылдық округте өрт ауыздықталған. Сонымен қатар, Баянауыл ұлттық паркінің таулы жерлерінде де өрт сөндіру жалғасып жатыр.