"Қатты жауған нөсер жаңбырдың салдарынан көшелерді су басты. Бірінші кезекте автомобиль жолдарын кептіру қажет. Жолдағы кептелістер сейілтуіміз керек. Қала бойынша 7-8 орында кептеліс байқалады. Осыған байланысты, қала тұрғындарын сабырлы болуға шақырамын", - деді қала әкімі Нұрдәулет Игілікұлы.
Қазір шаһарда суды сору үшін 14 бірлік вакуумдық техника, 5 бірлік өрт сөндіру техникасы,130 адам жұмылдырылған. 20 жерде су сору жұмыстары жүргізілуде. 26 мың текше метр жаңбыр суы сорылды.
Қала әкімдігі жанынан құрылған штаб облыстық Төтенше жағдайлар департаментімен, КЖСА мекемесімен бірлесіп су сору жұмыстарын жалғастыруда.
Синоптиктердің болжауынша, Ақтауда жаңбыр бүгін түнге дейін толастамайды.
Тасым Жаңай
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
