Облыстық полиция департаментінің мәліментінше, жеті көліктің қатысуымен болған жол-көлік оқиғасы 1 қыркүйек күні сағат 01:30 шамасында тіркелді.
Toyota Camry автокөлігінің жүргізушісі мас күйінде, тұрғын үй алдындағы бүйірлік қашықтықты сақтамай, Toyota Prado, Nissan Tiida, Kia Optima сияқты қозғалыссыз тұрған автокөліктермен соқтығысқан. Осыдан кейін кінәлі жүргізуші автомобиль жолына шығып, Honda Odyssey-ге қақтығыс жасады. Кедергі туындаған кезде жылдамдықты төмендету бойынша шаралар қолданбай Toyota Land Cruiser және Toyota Camry автокөліктерімен соқтығысқан.
Жол апаттарынан зардап шеккендер жоқ. Ер адам әкімшілік соттың шешімімен Ақтау полиция басқармасының арнайы қабылдау орнына 20 тәулікке қамалды. Оған қатысты ҚР ӘҚБтК-нің 608-бабының 6-бөлігі бойынша хаттама жасалды.
Тасым Жаңай
