Атырау, Ақтөбе, Маңғыстау және Батыс Қазақстан облыстарының әскери бөлімдерінен тұратын өңірлік қолбасшылықтың басшылық құрамымен жиындар Ақтау теңіз жаяу әскерлері бригадасының базасында өтеді.
"Батыс" өңірлік қолбасшылығының қолбасшысы генерал-майор Дәулет Оспановтың басшылығымен өтетін жиындарды өткізудің басты міндеті - жеке құрамды оқытудың және жауынгерлік даярлықты ұйымдастырудың бірыңғай әдістемесін дайындау.
Үш күн ішінде жиынға қатысушылар мен жауынгерлік даярлықтың барлық пәндері, қойма үй-жайларының барлық түрлерін ұстау ережелері, бөлімдерді материалдық-техникалық қамтамасыз ету, сондай-ақ жиынға қатысушылармен сауалнама және психологиялық тестілеу бойынша оқу-әдістемелік сабақтар өткізілетін болады.
"Жиындардың басты мақсаты – командалық құрамның жауынгерлік даярлық іс–шараларын ұйымдастыру мен өткізудегі әдістемелік дағдыларын жетілдіру, әскерлер қызметінің мәселелерін жақсарту және өңірлік қолбасшылықтың 2023 оқу жылындағы қызметін қорытындылау", - деп атап өтті "Батыс"өңірлік қолбасшылығы әскерлерінің қолбасшысы генерал-майор Дәулет Оспанов.
Айта кету керек, "Батыс" өңірлік қолбасшылығы қысқы оқу кезеңінің қорытындысы бойынша Қазақстан Республикасы Қарулы Күштерінің Құрлық әскерлерінде үздік атанды.
