Ақтау қаласының тұрғыны үшемді дүниеге әкелгеніне ерекше қуанды. Ата-анасы бірден үшем болады деп ойламаса керек. Салмақтары: 1,500 гр, 1,400 гр және 850.0 гр.болып дүниеге келген сәбилердің біреуінде туа біткен жүрек ақауы (ашық артериялық түтік-ААТ) анықталып, 63-ші тәулікте сәбиге өте күрделі отаны Ақтөбе облыстық "Ана мен бала" орталығының бөлім меңгерушісі, кардиохирург дәрігер Досмаганбетов Ануар келіп, лигирование отасын сәтті жасап шықты.
Нәрестелер реанимациясы мен қарқынды терапия және нәрестелерді емдеп жетілдірудің 2-ші сатысы бөлімшесінде жан-жақты зерделеніп, толықтай ем алып, жағдайлары тұрақталып, бүгін, 69-шы тәулікте, аналарымен бірге аман-сау үйге шығарылды. Ата-әжелері немерелеріне Мансур, Расул, Айару деген есімдер берген. 34 жастағы үшемнің анасы сәбилеріне өмір сыйлаған ақ халаттыларға шын ризашылығын білдірді.
Бұл Ақтауда биыл туған екінші үшем.
