Ақтауда "Флоренция" тұрғын үй кешенінен 100 адам қауіпсіз жерге көшірілді. Бұл туралы Маңғыстау облысы ТЖД басшысының орынбасары Нұрлан Жанабаев айтты, деп хабарлайды inbusiness.kz.
Оның айтуынша, бүгін сағат 15:08-де Ақтаудағы 17 шағын ауданда "Флоренция" тұрғын үй кешенінің шатыры жанып жатқаны туралы шақырту түскен.
"Оқиға орнына келген кезде жалпы ауданы 5 244 шаршы метр болатын шатырдың 500 шаршы метрі жанғаны анықталды. Қазір мамандар өртті сөндіріп жатыр. Өртті сөндіруге 80 қызметкер, 17 техника жұмырылдырылды. Сондай-ақ өрт кезінде тұрғын үйден 100 адам, 20 бала қауіпсіз жерге көшірілді", – деді Нұрлан Жанабаев.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
