Бұл туралы Қазақстан Республикасының Терроризмге қарсы күрес жөніндегі Теңіз жедел штабы хабарлады, деп жазады inbusiness.kz сайты.
"8 қарашада Каспий теңізінің континенттік қайраңында (жағалаудан 25-27 шақырым) авиацияны пайдалана отырып, теңіз кемесінде лаңкестік оқиғаларға қарсы күрес бойынша шұғыл әрекет етуді көздейтін оқу-жаттығу шарасы жоспарланған", – делінген хабарламада.
Штабта түсіндірілгендей, маневрлер барысында мемлекеттік органдардың арнайы бөлімшелерінің катерлерін суға түсіру элементтері машықтанады.
"Осыған байланысты біз азаматтарды өткізіліп жатқан оқу-жаттығу шараларына түсіністікпен қарауға, оған қатысты мемлекеттік қызметкерлердің заңды талаптарын сақтауға, тек ресми ақпарат көздеріне сенуге және халық арасында жалған ақпараттың таралуына жол бермеуге шақырамыз", - делінген хабарламада.
