Ақтау автомобиль жолдарын күтіп ұстауға арналған тендерді "Строй Инвест 2020 компаниясы" ЖШС жеңіп алды. Осы мақсаттарға жергілікті бюджеттен 2,9 млрд теңге бөлінді, деп хабарлайды inbusiness.kz тілшісі.
"Келісімшарт 2023 жылғы 1 мамырдан бастап күшіне енді. Қазіргі уақытта қала бойынша шұңқырларды жөндеу жұмыстары жүргізілуде. Жол белгілерін ауыстыру, сырлау, нөсер құрылғыларын орнату және жөндеу жұмыстары қолға алынды. Үш мың шаршы метрден астам жол жабыны жөнделді. Жол белгілерін сырлау жұмыстары орталық және қиылыс автожолдарда жүргізілуде", - деп хабарлады Ақтау қалалық жолаушылар көлігі және автомобиль жолдары бөлімінің мамандары.
Бұған дейін Ақтау қаласының тұрғындары бірнеше рет жолдардағы шұңқырларға шағымданып келген.
