Ақтауда алаяқ әйел тұрғындарды 7 млн теңгеге жуық қаржыға алдап кеткен, деп жазады inbusiness.kz Polisia.kz сайтына сілтеме жасап.
Алаяққа алданып қалған тұрғындар полицияға арызбен жүгінген.
"Алаяқтыққа барған азаматша жәбірленушілердің сеніміне кіріп, олардан жеміс-жидек және балық өнімдерін алған, алайда аталған заттардың ақшасын бермеген. Жәбірленушілерге келтірілген жалпы шығын 6,9 млн теңгені құрайды. Криминалдық полиция қызметкерлерімен "Anti fraud" жедел-алдын алу іс-шарасы барысында 37 жастағы күдікті әйелді ұсталды", - делінген хабарламада.
Бұл дерек ҚР Қылмыстық Кодексінің 190-бабы (Алаяқтық) бойынша сотқа дейінгі тергеп-тексерудің бірыңғай тізілімінде тіркелді.
Тергеу мүддесі үшін өзге ақпарат жариялауға жатпайды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
