Ақтөбе облысында күн жылынса 38 елді мекенді су басып қалуы мүмкін. Қазір ол аумақта 13 мыңнан астам адам тұрып жатыр. Облыстық төтенше жағдайлар департаменті аптаттың алдын алу үшін дайындықты қазірден бастапты. Облыстық әкімдік жанынан арнайы комиссия құрылған. Су тасқыны бола қалған жағдайда қажетті жабдықтар мен инертті материлдар дайын тұр. Керек-жарақтың барлығы әзір.
Сонымен қатар аудандар да және қала ішінде қарды тазарту жұмыстары қарқынды жүріп жатыр. Қазіргі күні Ақтөбе қаласының аумағынан 400 мың м3 қар сыртқа шығарылған. Сондай-ақ мамандар Ақтөбе, Қарғалы және Сазды су қоймаларындағы су деңгейін де бақылауда ұстап отыр.
"Қауіпті жағдай бола қалса тұрғындарды орналастыратын 87 эвакуация пункті дайын. Қазір ауа-райыны бақылап отырмыз. "Казгидрометтің" болжамы бойынша, ақпан айында жауын-шашын мөлшері нормадан аспайды екен", - деді облыстық төтенше жағдайлар департаментінің бөлім басшысы Құмар Тұрмағамбетов.
