Ақтөбе облысындағы Шалқар көлінде үш жолаушысы бар жеңіл көлік мұздан құлап кетті, деп хабарлайды inbusiness.kz сайты.
Ресми мәліметтер бойынша, оқиға салдарынан бір адам қаза тапты.
Төтенше жағдай департаменті қызметкерлерінің айтуынша, ВАЗ-2110 көлігінің ішінде жүргізушіден басқа тағы екі ер адам болған. Екеуі, оның ішінде жүргізуші де көліктен түсіп үлгерген. Алайда, бір жолаушы суға батып кетті.
"1980 және 1971 жылдары туған екі ер адам өз бетімен жағаға шықты. Құтқарушылар оларды жылжымалы уақытша жылыту пунктіне орналастырды. Медициналық көмек қажет болмады. Құтқарушылар мұз астынан суға батып кеткен ер адамның денесін де алып шықты", - деп түсіндірді Ақтөбе облыстық Төтенше жағдайлар департаментінің баспасөз қызметі.
Сонымен қатар, әлеуметтік желіде құтқару операциясының видеосы пайда болды. Төтенше жағдайлар министрлігі жазбаны куәгерлер жасағанын дәлелдеді.
