Хабарымызды оқыс жаңалықтан бастаймыз. Ақтөбе облысында автобус отқа оранып, онда болған 52 адам көз жұмды. Бұл туралы облыстық Төтенше жағдайлар департаментінің баспасөз қызметі хабарлады. Қайғылы жағдай сағат 10:30-да, Самара – Шымкент тас жолының Ырғыз ауданынына қарасты Қалыбай ауылы маңында болған. Отқа оранған "Икарус" маркалы автобус ішіндегілердің көбі Өзбекстанның азаматтары екендігі анықталып отыр. 5 жолаушы жанған көліктен шығып үлгерген. Оқиға орнында өрт сөндірушілер, жедел жәрдем және полиция қызметкерлері сондай-ақ арнайы техникалар жұмыс жасауда. Жергілікті басшылық жедел штаб құрып мәселенің мән-жайын анықтауда.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
