Ақтөбе облысының әкімі Оңдасын Оразалин Мемлекет басшысының Жолдауы аясында өңірді дамыту бойыша жүзеге асырылып жатқан іс-шаралардан хабардар етті.
Оның айтуынша, биыл өндіріс саласында оң динамика байқалып отыр.
"Өндіріс саласындағы қиындықтарға қарамастан, 9 айдың қорытындысы бойынша 100,1% өсім бар. Құрылыс саласы да көңіл көншітеді. Бұл саладағы өсім мөлшері – 116,4%-дан асады. Тұрғын үй құрылысы бойынша да көрсеткіштеріміз жаман емес, өсім 103,6%-ды құрап отыр. Биыл ауа райы да қолайлы болып, ауыл шаруашылығы жақсы көрсеткішке ие болды. Өсім 104,1%-ды көрсетіп отыр. Инвестиция көлемі де жаман емес – 108,8%. Әрине, пандемия кесірінен сауда және көлік тасымалы төмендеп кетті. Бірақ қазір бұл салада да оң динамика байқалады", – деді Оңдасын Оразалин.
Тағы бір айта кетерлік жайт, өңірдегі инфляция деңгейі 104,6% мөлшерінде тұрақтаған.
Нұржан Көшкін
