Ақтөбе облысында бопсалаумен айналысып келген қылмыстық топ ұсталды, деп хабарлайды inbusiness.kz тілшісі Рolisia.kz-ке сілтеме жасап.
Полиция қызметкерлеріне қылмыстық топ облыс аумағында бопсалаумен айналысып жүргені туралы ақпарат түскен. Олар кәсіпкерден қомақты сома бопсалаған, сондай-ақ "Тойота Камри" автокөлігін өз аттарына аударуды талап еткен.
"16 мамырда жедел-іздестіру іс-шараларын өткізу барысында полиция қызметкерлері Ақтөбе облысының төрт тұрғынын ұстады. Ұсталғандардан патрондары бар 2 травматикалық тапанша мен пышақ тәркіленді. Аталған дерек бойынша ҚР Қылмыстық кодексінің 194-бабы 3-бөлігі ("бопсалау") бойынша сотқа дейінгі тергеу басталды. Ұсталғандар қамауға алынды", - делінген полиция мәліметінде.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
