Ойылдың тұрғын үй-коммуналдық шаруашылығы мен жолына жауапты басшы мердігерлерден пара алған, деп хабарлайды inbusiness.kz сайты КТК телеарнасына сілтеме жасап.
Көктемде Ойыл ауданында жүздеген үй қирап, жолдар мен көпірлерді су шайған еді. Шаңырағынан айырылғандар қайда барарын білмей қиналды.
Ал бөлім басшысы Айнат Қазмағанбетов тасқыннан келген шығынды есептейтін бағалаушы компания басшыларынан пара алған. Алдымен екі жақты келісімшарт толтырып, 100 мың теңге сұраған, сондай-ақ электр сым тартатын мердігерден де ақша алған. Сотта бұрынғы шенеунік кінәсін мойындады. Сол үшін судья айыппұлмен шектеуді жөн көрген. Сондай-ақ пара берген компания басшысы да жазасыз қалмады – 10 млн теңге айыппұл төлейді. Бөлім басшысы одан еселеп айыппұл төлейтін болды.
"Сот үкімімен сотталушы К. ҚР ҚК 66-бабының 3-бөлігімен 1-4 тармақтарында көзделген қылмыстық құқықбұзушылық жасағаны үшін кінәлі деп танып, оған параның 35 еселенген сомасында, яғни 21 миллион теңге мөлшерінде айыппұл түріндегі жаза тағайындалып, өмір бойы мемлекеттік қызметте қызмет атқару құқығынан айырылды", – дейді Ақтөбе облыстық соты баспасөз қызметінің бас маманы Жансая Тайырова.
