Ақтөбе облысында 2026 жылдың алғашқы алты айында жалпы сауда көлемі 1 296,3 млрд теңгені құрады, деп хабарлайды inbusiness.kz сайты.
Бұл өткен жылдың сәйкес кезеңімен салыстырғанда 207,1 млрд теңгеге көп.
Өңірлік сауда көлемінің нақты индексі 101,9%-ды құрады.
Есепті кезеңде көтерме сауда көлемі 855,1 млрд теңгеге жетіп, нақты көлем индексі 100,8% болды. Ал бөлшек сауда көлемі 436,5 млрд теңгені құрап, нақты көлем индексі 104,4%-ға жетті.
Сауда құрылымында мұнай өнімдері, хром кендері, автомобильдер, азық-түлік және жанар-жағармай негізгі үлесті иеленді. Бөлшек саудада да азық-түлік және азық-түлікке жатпайтын тауарлар бойынша өсім сақталды.
Сауда саласы өңір экономикасының маңызды бағыттарының бірі саналады. Ол халықты қажетті тауарлармен қамтамасыз етіп, кәсіпкерліктің дамуына және жаңа жұмыс орындарының ашылуына ықпал етеді.
