Бұл туралы облыстық полиция департаменті мәлім етті, деп хабарлады inbusiness.kz порталы.
"24 наурыз Қандыағаш – Ембі – Шалқар тас жолында алдындағы көлікті айналып өтпек болған 40 жастағы "Лада-Приора" көлігінің жүргізушісі қарсы жолақта өзге көліктің бар-жоғын тексермеген. Салдарынан қарсы бағыттағы "Лада-Приора" көлігіне соғылған" , – деп жазылған хабарламада.
Жол апатынан жүргізуші мен көлікте отырған 32 жастағы әйел және 14 жастағы жасөспірім қайтыс болды. Ал 3 жасар қыз бала Ембі қаласының ауруханасына жеткізілді.
Бұған қоса келесі көлікте отырған жүргізуші мен 6 жолаушы ауруханаға жеткізілді. Бір жолаушы есін жимастан ауруханада қайтыс болды.
Жол-көлік оқиғасы бойынша сотқа дейінгі тергеу амалдары басталды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
