Ақтөбе облысындағы ірі кәсіпорындар жұмысшылардың еңбекақысын көтереді, деп хабарлайды өңір әкімінің баспасөз қызметі.
Ақтөбе облысында ҚР президенті Нұрсұлтан Назарбаевтың "Қазақстандықтардың әл-ауқатының өсуі: Табыс пен тұрмыс сапасын арттыру" атты Жолдауындағы тапсырмаларды жүзеге асыру аясында "Қазхром" ТҰК" АҚ, "Ақтөбе мыс компаниясы" ЖШС, "Восход-Oriel" ЖШС және "Қазақойл-Ақтөбе" ЖШС мен басқа да ірі кәсіпорындар 2019 жылдан бастап жұмысшылардың айлығын көтереді.
Атап айтқанда, 1 қаңтардан бастап Еуразиялық топ құрамына кіретін "Қазхром" ТҰК" сынды бөлімшелер қызметкерлерінің еңбекақысы 9-14 пайызға өспек. "АМК" ЖШС қызметкерлерінің айлықтары жаңа жылдан бастап 4 пайызға, "Восход-Oriel" ЖШС қызметкерлерінікі 9 пайызға өседі."Қазақойл-Ақтөбе" ЖШС жұмысшыларының да еңбекақысы келесі жылдың қаңтар айынан бастап 7-10 пайызға көтеріледі.
Елбасының азаматтардың әл-ауқатын көтеру бойынша тапсырмаларына сәйкес, өңірдегі бірқатар кәсіпорын жаңа жыл мерекесіне орай жұмысшыларына сыйақы мен 13-ші айлықтарын береді.
Жалпы, өңірдегі 53-тен аса ірі кәсіпорын мен компания еңбекақыны 7-20 пайызға көтереді.
