"Шетелдік инвесторларды тарта отырып, ерекше индустриялық аймақ құрылатын болады. Көптеген кәсіпорын экспортқа бағдарланады деп күтіліп отыр", – деді министр.
Оның айтуынша, Бұқара-Орал магистральді газ құбырының үшінші желісін салу және 85 ауылды газдандыру, Ақтөбе қаласындағы кәріз-тазарту құрылыстарын жаңғырту және тұрғын үй құрылыс аумақтарында коммуникациялық желілер салу жоспарланды. 1 300 шақырымнан астам автомобиль жолы жаңғыртылады.
Денсаулық сақтау мен білім беру қызметінің сапасын арттыру үшін қазіргі заманғы инфрақұрылым құрылады. 18 ауылда денсаулық сақтау нысаны салынады. 224 мектеп жаңғыртылады. Ақтөбе қаласында колледж студенттері үшін екі жатақхана салу жоспарланып отыр. 4,3 млн шаршы метр тұрғын үй пайдалануға беріледі.
Ақтөбе облысын дамытудың жаңа кешенді жоспары құрылды. 2022-2025 жылдарға арналған бұл жоспар 92 іс-шарадан тұрады. Жалпы 1,7 трлн теңге жұмсалады, оның ішінде республикалық бюджеттен – 143,3 млрд теңге, жергілікті бюджеттен – 165,6 млрд теңге, жеке инвестициялар – 1,2 трлн теңге.
