Ақтөбелік тарихшы-археологтар мұны үлкен жаңалыққа балайды. Өйткені, мұндай ат-әбзелдері секілді жәдігердің табылуы некен-саяқ дейді. Өңдеу жұмыстарының нәтижесі Қазақстанда тұңғыш рет ғұн тайпасы батырының сауыт-сайманы, ер-тұрман, ат-әбзелдері қандай болғанын көрсетуге мүмкіндік береді.
"Бұл жұмыстар арқылы әлемге кезіндегі көшпенді ғұндардың мәдениеті, тұрмыс-тіршілігі қалай болғанын көруге мүмкіндік береді. Экспонаттарға қарап, бұл жас жігітке тиесілі болған деп топышладық. Ғұн тайпасының элитасы болуы әбден ықтимал. Себебі, ат-әбзелдері, жанына бірге жерлеген қылыштың сабына дейін алтынмен, зергерлік тастармен безендірілген. Карьер қазып жүрген жұмысшылар кездейсоқ тауып алғаннан кейін, экскаватормен қазған кезде, біраз бүлінген. Сондықтан, ұсақ-ұсақ элементтердің барлығын тірнектеп жинап, желімдеп, құрастыруға тура келді, "- деді Ақтөбе облыстық тарихи-өлкетану мұражайының аға ғылыми қызметкері Аслан Мәмедов.
